Presidenti Thaçi ka përcjellë një mesazh për zgjedhjet që po zhvillohen në Kosovë, duke thënë se prej tyre duhet në fund të fitojë vetë Kosova.
Duke dëshiruar që ato të jenë në standartet e kërkuara, kreu i shtetit kosovar ka thënë se pret prej tyre të jenë dhe fer (jo ferr), një e shkruar e fjalës “fair” ashtu siç shqiptohen në anglisht.
“Sot Kosova zgjedh legjislaturën e re, që do të nxjerrë edhe qeverinë e re të Kosovës, e cila duhet të përmirësojë jetën e qytetarëve tanë dhe të përballet me sfidat që i kemi përpara. Prandaj, ftoj për një pjesëmarrje sa më të madhe, për një proces elektoral të drejtë, të lirë dhe fer”, shkruan Thaçi në FB, ku siç shihet, fjala “fer” (fair – i/e drejtë) vjen pasi është potencuar më parë në shqip, me një fjalë diferencë.
“Kemi ndërtuar traditë të zgjedhjeve të mira dhe të pranuara nga të gjithë. Sot le të fitojë Kosova”, thekson më tej Thaçi. /tesheshi.com/
