PD dhe LSI kanë arritur në një pakt në lidhje me reformën zgjedhore. Kështu dy anëtarë të këtij komisioni që pritet të miratohet në seancë do i përkasin LSI-së, ndërsa 3 të tjerët PD-së. Ky është dhe “pakti” i parë politik mes dy forcave kryesore opozitare në kuvendin e Shqipërisë.
Ashtu siç ishte paralajmëruar, Komisioni do të ketë dy bashkëkryetarë, ish ministrin socialist Bledi Çuçi dhe deputetin demokrat Oerd Bylykbashi.
Anëtarët e e LSI në komision do të jenë Nasip Naço dhe Luan Rama.
Kuvendi do të debatojë në lidhje me komisionin, pasi PD ka kërkuar diskutime në lidhje me afatet.
Kreu i grupit parlamentar të PD-së, Edmond Spaho gjatë seancës tha se në bazë të rregullores duhet të ketë diskutime, pasi nuk kemi të bëjmë me një çështje për dhënie mendimi.
“Kemi rëndë dakort se ka konsensus për objektin e komisionit, por mbetet për të diskutuar mbi përbërjen dhe afatet e saj. Për rrjedhojë, ne kemi të drejtë të diskutojmë mbi këtë çështje”, tha Spaho. /tesheshi.com/
