Mund të konsiderohet e dështuar një protestë e thirrur nga VMRO në Shkup, meqë ishte paralajmëruar se do ishte masive.
Por nuk ka qenë e tillë. Një numër jo aq i madh simpatizantësh të kësaj partie, por dhe disa shoqata e organizma, janë mbledhur për të shprehur revoltën e tyre ndaj vendimit të LSDM-së që të pranojë Platformën Shqiptare, gjë e cila mund të ngjisë në pushtet, edhe pse doli e dyta në zgjedhje. Me pranimin e Platformën, ajo pranon kushtin e dygjuhësisë, gjë të cilën e kundërshton kategorikisht Gruevksi.
Protesta të ngjashme u organizuan dhe në Manastir, Ohër, Strugë, Vevçani, Kavadarci, Prilep e Berovë.
“Fillojmë me ofensivë”, “Na është sulmuar atdheu”, “Maqedonia duhet të mbrohet”, “Po vjen një periudhë stuhie”, “Pranverë me shumë energji”, “Luftë për VMRO-në dhe Maqedoninë”, “Do të fitojmë”, ishin këto ishin disa nga parrullat e protestuesve.
Ndërkohë, Gruevksi po ndihet i tradhtuar nga aleati i deritanishëm shqiptar, BDI, duke i kujtuar dhe paktin e nënshkruar kohë më parë për koalicion “fituesi me fituesin”. Partia e Ali Ahmetit po pregatitet të bëjë koalicion me LSDM-në, pas pranimit të kësaj të fundit të kushtit të gjuhës në Platformë, por kjo e ka çuar Gruevskin që të përbetohet se do e luftojë këtë pakt mes tyre. /tesheshi.com/
