Në hetimin për të zbuluar personin, që tentoi të niste në drejtim të Londrës, 3 pakot me pjesë të ndryshme armësh automatike përmes aeroportit “Nënë Teraza” në Tiranë, janë përfshirë edhe agjentët e antiterrorist dhe agjensitë ligjzbatuese.
Pakot u zbuluan pas skanimit në kompania e sigurisë së aeroportit ICTS, ndërsa hetimet paraprake zbuluar se emir i personit që ka bërë nisjen përmes shërbimit DHL nuk ekziston. Gjithashtu edhe pritësi në Britaninë e Madhe është një emër që nuk ekziston, çka duket se vështirëson punën e policisë për të zbuluar ngjarjen.
Burimet bëjnë të ditur se pakot do të kalonin transit në Greqi dhe prej andej do të niseshin drejt Londrës ku duket se ishte destinacioni përfundimtar, të paktën për ngarkesën postare.
Policia shqiptare ka njoftuar kolegët e saj në Greqi dhe Britaninë e Madhe në lidhje me rastin, të cilët po hetojnë paralelisht mbi këtë trafikim të armëve luftarake.
Gjithashtu prokuroritë e tre vendeve janë angazhuar në hetim. Burimet shprehen se agjentë të shërbimeve sekrete dhe antiterrorit janë angazhuar për të zbuluar pikë së pari se nga cila zyrë është nisur pakot, pra ku janë dorëzuar ato, duke shpresuar që zona të ketë kamera sigurie. Kjo për faktin se emri i përdorur nga dërguesi është falls, pra nuk ekziston. /tesheshi.com/
