Policia ka identifikuar edhe autorin e dytë të dyshuar për dërgimin e 3 armëve kallashnikov përmes aeroportit të Rinasit drejt Londrës.
Rreth 24 orë pas zbulimit të 3 pakove me armë që do të dërgoheshin me postë në Britaninë e Madhe, policia arrestoi Sajmir Çullhajn, për të cilin gjykata e Krimeve të Rënda vendosi masën e arrestit me burg.
Ndërkohë, i dyshuari tjetër është Neritan Faria, 42 vjeç, banues në Shijak, fqinj me të arrestuarin nga policia.
Faria është shpallur në kërkim policer, ndërsa dyshohet se ai është organizatori kryesor i tentativës për trafikun e armëve nëpërmjet pakove të postës nga Shqipëria në drejtim të Britanisë së Madhe.
Çullhaj u shpreh para gjykatës, se ishte pikërisht Faria, ai që i kishte dhënë porosinë për të dërguar me postë në drejtim të Anglisë, ndërsa ai vetë nuk ishte në dijeni se çfarë kishin pakot./tesheshi.com/
