Qytetarë amerikanë e britanikë kanë marrë prej pak kohësh paketa të çuditshme farash nga Kina në postë, të cilat nuk i porositën, shkruan British Metro.
Nuk është plotësisht e qartë pse njerëzit i marrin ato, por një paralajmërim është lëshuar në Shtetet e Bashkuara.
Paketat e padëshiruara shpesh kanë një mbishkrim në kinezisht se brenda ka bizhu, me sa duket për të shmangur kontrollet e biosigurisë ose tarifat shtesë.
Edhe pse shumica e paketave arrijnë në SHBA, nga të cilat 630 janë në Florida, njerëzit në Angli gjithashtu kanë filluar të marrin dërgesa të ngjashme.
Departamenti Amerikan i Bujqësisë lëshoi një deklaratë duke thënë se ata janë të vetëdijshëm se njerëzit në të gjithë vendin po marrin pako të padëshiruar të farave nga Kina.
Ministria e Bujqësisë mendon se mund të jetë një lloj mashtrimi që përdoret nga kompani të ndryshme në internet kur duan të përmirësojnë reklamimin e produkteve të tyre. Ata dërgojnë te njerëz pako të padëshiruar me produktet e tyre në mënyrë që ata të lënë një koment pozitiv në faqen e tyre.
Departamenti i Bujqësisë ka zbuluar se midis farërave të marra nga qytetarët e SHBA-së janë nenexhiku, sherebeli, rozmarina etj. Po rata janë paralajmëruar që të mos i marrin e të mos i mbjellin, por t’i raportojnë ato.
Në Mbretërinë e Bashkuar, Agjencia për Mbrojtjen e Kafshëve dhe Bimëve në Ministrinë e Mjedisit, Ushqimit dhe Çështjeve Rurale lëshoi një deklaratë të ngjashme.
“Biosiguria është thelbësore dhe ne po bëjmë inspektime të gjera për të mbrojtur bimët dhe jetën e egër,” tha agjensia.
Zëdhënësi i Ministrisë së Jashtme kineze Wang Wenbin tha se ka kufizime në dërgimin e farave me postë nga Kina.
“Zyrat postare kineze dhe amerikane po negociojnë për kthimin e këtyre dërgesave të rreme në Kinë,” tha Wenbin. /tesheshi.com/
