Dhoma e ulët e parlamentit pakistanez votoi për shkarkimin e kryeministrit Imran Khan dhe vendimi u mor pas gati 14 orësh grindjesh midis anëtarëve të opozitës dhe partisë në pushtet të Khan.
Partitë opozitare arritën të sigurojnë 174 vota në Dhomën me 342 në mbështetje të mocionit të mosbesimit, tha kryetari.
Vetëm disa ligjvënës nga partia në pushtet e Khan morën pjesë në procesin. Khan humbi shumicën e tij parlamentare pasi disa ligjvënës nga partia e tij, si dhe aleatë kryesorë si Lëvizja Mutahida Qaumi, një parti me qendër në qytetin port të Karaçit, u larguan nga koalicioni qeverisës.
Rezultatet e votimit nënkuptojnë se Khan nuk do të mbajë më pozicionin e tij aktual dhe se Dhoma e Ulët do të zgjedhë një kryeministër dhe një qeveri të re. Ndërkohë, opozita ka emëruar kryeministër liderin e opozitës Shehbaz Sharif me mbështetjen e 195 deputetëve.
Deri më tani, asnjë kryeministër në historinë e Pakistanit nuk e ka përfunduar mandatin e tij pesëvjeçar. /tesheshi.com/
