Qeveria e rënë pakistaneze që nuk e dënoi Putinin, vjen në pushtet një burrë proamerikan
Parlamenti pakistanez, pasi votoi për shkarkimin e kryeministrit Imran Khan, do të votojë për një kryeministër të ri të hënën, me kandidatin më të mundshëm për këtë post, Shebaz Sharif, vëllai më i vogël i ish-kryeministrit Naëaz.
Shebaz Sharif, 70 vjeç, ka shumë të ngjarë kryeministri i ardhshëm pakistanez i 23-të, është pak i njohur jashtë vendit të tij, ku ai ka një reputacion si një zyrtar dhe menaxher efektiv, më shumë se një politikan, dhe është vëllai më i vogël i Nawaz Sharifit, i cili ka qenë kryeministër në tri raste, shkruan Reuters.
Dhoma e ulët e parlamentit pakistanez votoi të dielën për shkarkimin e kryeministrit Imran Khan, vendimi u mor pas gati 14 orësh grindjesh midis anëtarëve të opozitës dhe partisë në pushtet të Khan, dhe nisma e opozitës, si kandidat i saj për kryeministër, ishte me në krye Shebazin.
Analistët thonë se Shebaz, ndryshe nga Nawaz, gëzon marrëdhënie miqësore me ushtrinë pakistaneze, e cila tradicionalisht kontrollon politikën e jashtme dhe të mbrojtjes, dhe vendin 220 milionësh të Azisë Jugore, i cili zotëron armë bërthamore.
Gjeneralët pakistanezë janë përfshirë drejtpërdrejt në përmbysjen e qeverive civile tre herë dhe asnjë kryeministër nuk ka përfunduar një mandat të plotë pesëvjeçar që nga viti 1947, vit që shënon pavarësinë e Pakistanit nga Britania, kujton Reuters.
Shebaz është më i njohur për stilin e tij të drejtpërdrejtë dhe efektiv të menaxhimit, të cilin ai e prezantoi si udhëheqës i provincës më të populluar të Pakistanit, Punjab, kur ai punoi ngushtë me Kinën në projekte ambicioze infrastrukturore të financuara nga Pekini.
Shebaz tha në një intervistë javën e kaluar se marrëdhëniet e mira me Shtetet e Bashkuara janë thelbësore për Pakistanin, gjë që bie ndesh me marrëdhëniet antagoniste të Khan me Uashingtonin.
Por se kush është njeriu që pritet të marrë frenat e Pakistanit, mund të shihet në këtë video:
Entertainment will continue in Pakistan. Meet Shahbaz Sharif Next PM of Pakistan & his Highly Entertaining Hand Movements 😂😂 #ShahbazSharif #ImranKhan pic.twitter.com/8jSGMsTUDz
— Rosy (@rose_k01) April 9, 2022
Domethënë, Khan, ish-lojtari legjendar i kriketit, i cili mori detyrën në vitin 2018, u përpoq të fajësonte Uashingtonin për problemet e tij dhe zyrtarisht protestoi te ambasadorja amerikane për komplot të supozuar me qëllim të përmbysjes së qeverisë së tij.
Në akuzë, ai pëfshinte dhe ish-ambasadorin Donald Lu, i cili tanoi shërben në Islamabad. /tesheshi.com/
