Autoritetet policore të Pakistanit arrestuan ish-kryeministrin e Pakistanit, Imran Khan, jashtë Gjykatës së Lartë në Islamabad.
Arrestimi i tij është bërë për një rast korrupsioni, ndërsa në opinion janë bërë publike video nga momenti i arrestimit.
Zyrtarët e partisë së tij konfirmuan arrestimin e tij, i cili u raportua fillimisht nga brenda Pakistanit. Khan u dërgua në gjykatë.
“Makina e tij ishte e rrethuar” në Islamabad, tha ndihmësi i tij, i cili nuk do ta konfirmonte arrestimin.
Një dëshmitar në vendngjarje tha për Reuters se pak pasi Khan hyri nga dera e Gjykatës së Lartë të Islamabadit, forcat paraushtarake dhe automjetet e blinduara hynë në ndërtesë, duke bllokuar hyrjen për të hequr ish-kryeministrin.
Imran Khan u rrëzua nga posti i kryeministrit pas një votimi mosbesimi prillin e kaluar. Ai pretendoi se përmbysja e tij ishte e paligjshme dhe se pas tij fshihej një komploti perëndimor.
“Imran Khan u arrestua në rastin Qadir Trust”, tha Policia e Islamabadit në llogarinë e saj zyrtare në Twitter.
Gjatë kësaj periudhe ai bënte fushatë për zgjedhjet e parakohshme të tetorit. Në mars, një urdhër-arresti kundër tij u anulua pasi shpërthyen përleshjet mes mbështetësve të tij dhe oficerëve të policisë që kishin shkuar në shtëpinë e tij për ta arrestuar.
Rasti i Imran Khan ngjan pak a shumë me atë të Muhamed Mursi në Egjipt, ish-president pas Mubarakut, fituar pastër në zgjedhje, rrëzuar me grusht shteti më pas, duke u futur në burg me llojlloj akuzash të sajuara.
Imran Khan, ashtu siç Mursi, u shfaq si modeli i një politikani dhe udhëheqësi ndryshe, me principe të larta fetare dhe me një vizion qeverisës kundrarrymë. /tesheshi.com/
