Kryeministri Rama prezantoi paketën e re antikrizë nisur nga situata ekonomike dhe rritja e çmimeve, fillimisht duke deklaruar se paga minimale nga 32 mijë lekë shkon në 34 mijë lekë.
Po ashtu, sipas Ramës do të rriten pagat për administratën, do indeksohet me 7.5% pagesa për personat me aftësi të kufizuara dhe për ndihmën ekonomike do të ketë rritje me 10% . Ndërkohë, ndihma ekonomike për gratë kryefamiljare me dy fëmijë do të dyfishohet.
“Do të vijojmë programin e rritjes së pagave si është paralajmëruar për sektorët prioritarë, me buxheti dhe afatin e vitit të ardhshëm pasi rritëm me efekt nga muaji korrik pagat për ushtarakët mjekët infermierët mësuesit, do i rrisim përsëri.
Ndërkohë që sot me ndërhyrjen e dytë dhe me një paketë afatmesme do rrisim pagat për administratën që nuk ishin prekur prej shumë kohësh dhe do të rrisim po ashtu pagat për policinë e Shtetit dhe për Policinë e Burgjeve.
Vijojmë me të njëjtën qasje mbështetje për naftë pa taksa për fermerët, mbështetje për TVSH e peshkimit, mosprekje për çmimin e biletës së transportit”, deklaroi Rama. /tesheshi.com/
