Michael Cohen, një ish-avokat i Presidentit Donald Trump, u kthye në burg të enjten, njoftoi avokati i tij.
Cohen, 53 vjeç, u la i lirë nga burgu në maj për shkak të rrezikut të infektimit me COVID-19.
Ai vuajti një nga tre vjet burg për pjesëmarrjen në pagesa të dyshimta të parave për dy gra, përvetësim financiar dhe gënjeshtra ndaj Kongresit.
Dy gra, pornostarja Stormy Daniels dhe ish-lepurushja e Playboy, Karen McDougall, thanë se kishin marrëdhënie seksuale me Trump, gjë që presidenti amerikan mohon.
Fyerje të rënda reciproke
Cohen, i cili do të lirohej nga burgu në nëntor 2021, pritej të vuante pjesën e mbetur të dënimit nën arrest shtëpiak, thanë dy burime të informuara.
Cohen, i cili dikur tha se do të “merrte një plumb” për Trump, më vonë ia ktheu shpinën ish-shefit dhe bashkëpunoi me hetimet e Kongresit të udhëhequra nga demokratët.
Trump e quajti atë “mi”, ndwrsa Cohen e quajti atë “racist” dhe “mashtrues”. /tesheshi.com/
