Uthulla balsamike (aceto balsamico) është një uthull me origjinë nga Italia e bërë popullore në mbarë botën. Uthulla balsamike origjinale është bërë nga reduktimi i lëngut të rrushit të bardhë Trebbiano të zier dhe të përdorur si përbërës gatimi. Është prodhuar në Modena dhe Reggio Emilia që në kohët Mesjetare, siç është përmendur në një dokument që daton që në vitin 1046.
E vlerësuar gjatë periudhës së Rilindjes, ajo vlerësohet po kaq edhe nga shefat modernë të kuzhinës dhe ata që duan një gatim elegant.
Uthulla balsamike e Modena-s (Aceto Balsamico di Modena) është një imitim jo i shtrenjtë, që sot është e përhapur gjerësisht dhe tepër e njohur.
Është diçka që gjendet zakonshëm në tryezat e restoranteve dhe përdoret për t’u hedhur sipër sallatave.
Emrat Aceto Balsamico Tradizionale di Modena (Uthulla balsamike tradicionale e Modena-s) dhe Aceto Balsamico Tradizionale di Reggio Emilia (Uthulla balsamike tradicionale e Reggio Emilia) janë të mbrojtura për origjinën e tyre nga Italian Denominazione dhe nga Bashkimi Evropian.
Uthulla balsamike nuk përmban balsam. Fjala balsamico (nga latinishtja balsamum, nga greqishtja βάλσαμον) do të thotë “e ngjashme me balsamin”, në kuptimin “tonik” ose “kurative”.
Janë tre lloje të uthullës balsamike:
Uthulla balsamike artizanale tradicionale autentike, i vetmi lloj që mund të përshkruhet ligjërisht si Aceto Balsamico Tradizionale në Bashkimin Evropian.
Uthulla balsamike komerciale të prodhuara në shkallë industriale.
Uthulla balsamike të përmirësuara me erëza, të cilat zakonisht janë përzierje e të dy llojeve të mësipërme./tesheshi.com/
