Autoritetet e Izraelit dhe Marokut nënshkruan një marrëveshje mbi krijimin e linjave ajrore direkte midis dy vendeve.
Yedioth Ahronoth raporton se marrëveshja është nënshkruar, por nuk zbuloi më shumë detaje rreth dokumentit të nënshkruar. Autoritetet marokene nuk kanë komentuar mbi informacionin deri më tani, pretendon AA.
Izraeli kohët e fundit nënshkroi marrëveshje të ngjashme për krijimin e linjave ajrore me Emiratet e Bashkuara Arabe dhe Bahreinin.
Normalizimi i marrëdhënieve dypalëshe
Ish-Presidenti Trump njoftoi në dhjetor të vitit të kaluar se Izraeli dhe Maroku kishin nënshkruar një marrëveshje mbi normalizimin e marrëdhënieve dypalëshe.
Marrëveshja u nënshkrua me ndërmjetësimin e Shteteve të Bashkuara, ashtu siç ishte rasti me marrëveshjet për normalizimin e marrëdhënieve që Izraeli nënshkroi vitin e kaluar me Emiratet e Bashkuara Arabe, Bahreinin dhe Sudanin.
Pala palestineze i rezistoi me forcë normalizimit të marrëdhënieve me Izraelin, duke e konsideruar këtë veprim në kundërshtim me interesat palestineze në Lindjen e Mesme. /tesheshi.com/
