Ish-Kryeministri Sali Berisha ka deklaruar ditën e sotme se pajisja e përgjimit aq shumë e diskutuar, është transferuar mbrëmë nga Drejtoria e Përgjithshme e Policisë në Akademinëe Rendit dhe është manipuluar gjatë gjithë natës.
Sipas një postimi që Berisha ka bërë në Facebook, këto informacione atij i kanë ardhur nëpërmjet informimit të oficerit dixhital.
“Përshëndetje doktor, një oficer pedagog në Akademinë e Rendit dhe më thotë që pajisja e përgjimit që ka qenë në Drejtorinë e Përgjithshme e kanë sjellë mbrëmë natën tek Akademia e Rendit. Ndërkohë mediave u kanë thënë se është dorëzuar në ambasadën italiane, gjë që është absolutisht e pavërtetë. Gjatë natës dy specialistë të drejtorisë së policisë kanë bërë ndërhyrje dhe fshirje dhe sot e ekspozuan si objekt mësimor për trajnim”, – i shkruan oficeri dixhital Berishës. /tesheshi.com/
