Artan Shkreli ka qenë “i dërguari” i radhës nga qeveria për të sqaruar banorët e Kukësit mbi tarifën e Rrugës së Kombit.
Në pozicionin e ri zyrtar, atë të zv.ministrit të Infrastrukturës dhe Energjisë, arkitekti, urbanisti dhe esteti Shkreli, sqaroi edhe njëherë se pse është e nevojshme pagesa e rrugës.
“Për të mbaruar kjo rrugë, sipas projekteve fillestare të fizibilitetit, duhen 240 deri 260 milion euro pasi asnjë njeri nuk e ka bërë azhornimin se çfarë ka ndodhur gjatë këtyre viteve të fundit kur rruga natyrisht mund të ketë degraduar në elemenët të rëndësishëm të saj.
Kjo rrugë duhet mbaruar. Idea këtu nuk shtrohet më që ta bëjmë rrugën me toll apo pa toll. Rruga pa ooll do të thotë një rrugë që nuk mirëmbahet dhe gjithë ato miliarda që janë harxhuar do shkojnë drejt degradimit”, theksoi vartësi i Ramës.
Përballë tij, zyrtarë vendorë kërkuan lehtësira për banorët e zonës, me pretendimin se varfëria e bën të pamundur pagesën në kuotat e vendosura nga marrëveshja e qeverisë me konçensionarin.
Ditë më parë në Kukës ishte dhe ministri i Ekonomisë dhe Financave, Arben Ahmetaj. Rama vetë ende nuk ka shkelur në qytetin që u rebelua ndaj tij. /tesheshi.com/
