Kreu i të djathtës ekstreme të Italisë, Matteo Salvini, thotë se zgjedhjet evropiane kanë krijuar “një gjeografi të re” të ndjenjës anti-elitare në BE. Tashmë është e sigurt se ai do të jetë në gjendje të krijojë një bllok nga partitë që janë të bashkuar rreth platformës euroskeptike, anti-migrante dhe anti-islame.
Salvini – i cili morri 34% të votave në Parlamentin Europian, prej 6% sa kishte pesë vjet më parë – shpreson të bashkojë 100-150 deputetë të BE në një bllok për të luftuar emigracionin dhe Islamin.
Grupi parlamentar i Europës së Kombeve dhe i Lirisë – i cili përfshin partinë e Salvinit, “Lidhja”, synon të bëj bashkë udhëheqësit e ekstremit të djathtë të Francës, Gjermanisë dhe Holandës, që do të lulmonin me 58 ulëse në parlament.
Udhëheqësja e ekstremit të djathtë në Francë, Marine Le Pen, posedon 22 vende për dallim nga 28 ulëset e Salvinit, duke i bërë ata lojtarët dominues në grup.
Salvini i po sheh drejtuesit e ashpër euroskeptikë në Poloni, Hungari dhe Britani si marioneta për të plotësuar radhët e bllokut të tij.
Por deri më tani, nuk ka dëshmi se udhëheqësit e partive të tjera populiste do t’i përgjigjen thirrjes së Salvinit.
Nigel Farage, kreu i Partisë Brexit, fitoi gati një të tretën e votave, por megjithatë është shprehur se nuk dëshiron ndonjë aleancë në një parlamentin që ai po planifikon ta braktisë sa më shpejt që të jetë e mundur.
As udhëheqësi hungarez Viktor Orban nuk po tregon shenja të braktisjes së bllokut parlamentar të Partisë Popullore Europiane të qendrës së djathtë, pavarësisht se ishte pezulluar nga ai grup për shqetësimet lidhur me mungesën e demokracisë në Hungari.
Analisti Peter Kreko thotë se Orban rrezikon të humbasë influencën në Evropë nëse ai largohet nga ombrella mbrojtëse e PPE.
Salvini dëshiron gjithashtu të marrë nën sqetull partitë populiste nga Republika Çeke, Suedia dhe Spanja, pasi mori premtime parazgjedhore nga partia e Finlandës dhe Partia Popullore e Danimarkës. Por përsëri, madje edhe midis partive me profile më të ulëta evropiane, nuk ka pasur përkrahës të etur.
Edhe kur Salvini e ka forcuar bllokun e tij – qofshin 58, 100 ose 150 ligjvënës – ende do të mungojë fuqia për të bërë ndryshime legjislative. Fuqia në Parlamentin Europian, i cili qëndron në Bruksel dhe Strasburg, do të vazhdojë të jetë i përqendruar në grupet kryesore të qendrës së majtë, të cilat do të duhet të punojnë me anëtarët e parlamentit liberal për të krijuar shumicën e duhur.
Derisa Salvini premton të rivendosë sovranitetin në vendet e BE-së në fusha të politikave të ndryshme si bujqësia, financa dhe tregtia, realiteti është se ato politika janë vendosur nga traktate stabile, dhe do të kërkonin vota në çdo parlament kombëtar për t’i prishur.
Analistë të tjerë thonë se “partitë populiste do të përdorin përfaqësimin e tyre në Parlamentin Evropian për të krijuar zhurmë”.
Por djathtistët evropianë me gjasë po kujtojnë manifestin e strategut të Shtëpisë së Bardhë, Steve Bannon, i cili ka këshilluar populistët e Evropës që të bllokojnë çdo përpjekje për të thelluar integrimin midis shteteve anëtare të BE, nën pretendimet se “çdo ditë do të jetë si Stalingrad,” duke iu referuar një prej betejave më të ashpra dhe më të përgjakshme të Luftës së Dytë Botërore. /tesheshi.com/
