LSDM-ja në Maqedoni, në një deklaratë të fundit thotë se presidenti Ivanov nuk ka nevojë që të presë dhjetë ditë për të dhënë mandatin e formimit të qeverisë, gjë që sipas kësaj partie duhet të kryhet një orë e më parë.
“Më nuk ekzistojnë kurrfarë pengesa për dhënie të mandatit. Të gjithë shpjegimet jo të mençura nga Ivanovi janë tejkaluar me hapa të mençur nga ana e shumicës parlamentare e cila me kujdes vepron sipas rregullores, ligjeve dhe Kushtetutës. Kështu është zgjedhur kryetari i ri i Kuvendit i cili menjëherë dërgoi njoftim deri te Ivanoi se ka shumicë të re të deklaruar. Gjithashtu, mandatari i ardhshëm, kryetari i LSDM-së, Zoran Zaev njoftoi se është i përgatitur që sërish ta riafirmojë programin e qeverisë së re reformuese e cila e mbron unitetin, zotohet se do të punojë në pajtueshmëri me Kushtetutën dhe perspektivat euroatlantike”, thuhet në deklaratë.
Sipas LSDM-së, zbatimi i transferimit të qetë dhe të shpejtë të pushtetit është prioritet i lartë shtetëror dhe çdo kundërshtim i proceseve demokratike është vepër kundërshtetërore dhe kundërkushtetuese e cila është e ndëshkuar me ligj.
“Për këtë arsye bëjmë thirrje që të gjithë institucionet dhe çdo individ në pajtueshmëri me përgjegjësitë e tij t’i bashkëngjitet proceseve demokratike që sjellin ndryshime dhe jetë për të gjithë”, thekson partia e Zaevit në deklaratën e saj. /tesheshi.com/
