Këshilltarët demokratë në bashkinë e Tiranës risollën në vëmendje të kryeministrit Rama dhe kryebashkiakut Veliaj ngjarjet e rrëzimit të komunizmit, ndërsa reaguan në mbështetje të kolegut Akil Kraja i cili është paditur nga bashkia e Tiranës për deklaratën e rritjes së çmimit të ujit të pijshëm.
“Nëse mendoni se me persekutime, me dhunë fizike apo verbale do të trembni demokratët, i kanë bërë hesapet krejt gabim. Ata dëshmojnë se nuk e njohin ADN e demokratëve. PD lindi përmes persekutimit dhe dhunës të diktuaturave. Dhuna dhe persekutimi vecse na forcon dhe na motivon”, tha kreu i grupit të këshilltarëve demokratë, Kreshnik Çollaku. Sipas tij, padia ndaj Krajës është përpjekje ciklike për të shtypur opozitën. “Autorët nuk duhet ta harrojnë që ishim po ne dhe kjo ADN që 27 vite më parë përmbysëm etrit dhe ua thyem trotuareve të Tiranës statujat. Nëse nuk kanë mësuar asgjë nga historia ne jemi këtu për t’ia rikujtuar në kushtet e reja”, tha ai.
Çollaku ripohoi se rritja e çmimit të ujit është një akt kriminal që u bë me vota të manipuluara. /tesheshi.com/
