Një padi ndaj asistentes personale të sharmantit të parezistueshëm të kinematografisë franceze, Alain Delon, është ngritur dje nga fëmijët e tij, me akuza për ngacmim moral dhe shpërdorim posti.
“Dyshoj se ka shpërdorim detyre dhe mbështetem në hetim për ta vërtetuar”, tha avokati i tre fëmijëve të tij, Christophe Agela, duke sqaruar se ankesës i është bashkuar edhe 87-vjeçari Delon me një deklaratë me shkrim.
Siç raporton gazeta franceze Le Figaro, fëmijët e Delon, Anouska, Anton dhe Alain-Fabien, vendosën t’i drejtoheshin drejtësisë pasi situata me zonjën 66-vjeçare që “kujdesej” për babanë e tyre kishte hyrë në një ngërç.
Që nga viti 2019, zonja që kujdesej për ish-yllin kinematografik francez është Hiromi Rollin nga Japonia. Kjo zonjë akuzohet se jo vetëm e ka keqtrajtuar por edhe se nuk i ka lejuar tre fëmijët e tij të komunikojnë me të.
Në moshën 83-vjeçare, Alain Delon pësoi një atak në zemër dhe një hemorragji “të lehtë” cerebrale. Më pas aktorit të famshëm francez iu desh të qëndronte tre javë në reanimacion dhe më pas u transferua në një klinikë rehabilitimi në Zvicër.
“Ndihmësja e tij personal ishte agresiv me Alain Delon, madje e keqtrajtonte qenin e tij. Ajo ishte zhvendosur në shtëpinë e tij në Paris me të në vitin 2019 për t’u kujdesur për të, por me kalimin e kohës ajo u bë “gjithnjë e më shumë agresive dhe abuzive ndaj tij dhe fëmijëve të tij. Ajo bllokoi kontaktet e tij me familjen dhe miqtë e tij, ndërsa monitoronte telefonatat e tij dhe i vidhte postën që ai të mos lexonte”, thotë avokati francez në padi.
Djali i Delon, Anthony, ngriti një padi të dytë për sulm kundër asistentes së tij personale.
Sipas tij, brenda dy vitesh situata kishte dalë jashtë kontrollit deri në atë masë sa që vetë babai i tij i kërkoi me shkrim që të largohej nga vendbanimi i tij. Ndërsa ajo refuzoi të largohej dhe në thelb “po e mbante atë të burgosur ilegalisht”.
“Më 31 janar 2022, mora vendimin ta raportoj ngjarje që kanë ndodhur në rrethin tonë familjar dhe që kanë të bëjnë më konkretisht me marrëdhënien mes babait tim Alain Delon dhe asistentes së tij”, sqaron djali i madh i aktorit, në njoftimin për shtyp.
Alain Delon, me finesën e tij dhe sharmin e parezistueshëm të syve, tronditi femrat më të bukura të kinemasë dhe jo vetëm.
Ai ishte një nga burrat më të pashëm dhe simpatik të kohës së tij.
Në maj 2019, me lot në sy, legjenda e kinemasë franceze mori “Palmën e Artë” të Festivalit të Filmit në Kanë për kontributin e tij të përgjithshëm në kinema.
I shoqëruar nga vajza e tij Anouska, Alain Delon do deklaronte: “Ka shumë kohë që nuk ka qarë kaq shumë”. Disa muaj më vonë, në gusht 2019, ai pësoi një atak në zemër.
Shëndeti i tij po rëndohej dhe, për këtë arsye, ai kishte nevojë të kishte një grua pranë tij që të kujdesej për të dhe të mos e ngacmonte moralisht, t’i vidhte postën dhe ta izolonte nga miqtë dhe familja e tij, siç pretendonin të tre fëmijët e tij. /tesheshi.com/
