George Santos, 34 vjeç, i cili rriti të ardhurat e tij financiare dhe “zbukuroi” biografinë e tij, pranoi se ai sajoi shumë në atë përmbajtje jetëshkrimore.
Përfaqësuesi republikan George Santos, gënjeshtrat e të cilit pas zgjedhjes së tij vitin e kaluar në nëntor argëtuan botën e politikës dhe medias, është paditur në Gjykatën Federale, raportojnë mediat amerikane.
Ende nuk dihen pikat e aktakuzës.
Rrjeti CNN, duke cituar tre burime të mirëinformuara, thotë se prokurorët federalë kanë ngritur akuza kundër Santos, një përfaqësues i New York-ut, i cili mund të dalë në gjykatë qysh të mërkurën.
Kongresmeni amerikan e quajti veten “realizimi i ëndrrës amerikane”, duke u akuzuar gjithashtu se gënjeu për përkatësinë e tij fetare, duke pretenduar se ishte “krenar për origjinën e tij hebreje” edhe pse ishte rritur në një familje katolike.
Ndaj tij po kryhen disa hetime, në Kongres, në New York dhe në Brazil. /tesheshi.com/
