Uashingtoni përcolli mesazhin e një mospajtimi me ligjin e ri “anti-shpifje” që ka për inisiator vetë kryeminsitrin Rama, punuar në dakortësi me OSBE-në.
Ishte Daniel Koski një prej drejtuesve kryesorë në Ambasadën Amerikane, i cili foli në konferencën e organizuar nga Avokati i Popullit me temë “Liria pa urrejtje-Liria e shprehjes përballë të të drejtave të tjera të njeriut”, e tha se “ne amerikanët mbrojmë fjalën kritike, të çuditshme dhe fyese sepse toleranca është shenjë e forcës sonë. Duke lejuar fjalën fyese, përveç rasteve ekstreme, ne ngulim këmbë që shoqëria jonë të mos jetojë në frikën e fjalëve”.
“Shqipëria u zgjua nga makthi komunist i kontrollit të fjalës jo më larg se 30 vitet e fundit. Shumë prej jush e dinë shumë mirë se si është të jetosh me frikën e pasojave të paparashikuara të fjalëve të tua. Shumë prej jush u rritën në një shoqëri në të cilën një fjalë e thënë rastësisht mund të të çonte në burg, punë të detyruar dhe tortura. Ju nuk duhet të ktheheni më kurrë në atë shoqëri”, theksoi zyrtari amerikan. /tesheshi.com/
.
