Para rrëzimit të qeverisë jo pak akuza kanë drejtuar mes vete LDK dhe AKR-ja e Pacollit për çka ky i fundit kohë më parë akuzonte Isa Mustafën se nuk ka lidhje me qeverisje.
Por kur tashmë janë bërë bashkë me synimin që të mundin ish-komandantët, Pacolli ka ndërruar fjalët dhe beson se me LDK-në mund të punojnë me dinjitet dhe profesionalizëm, dhe se nuk do ta zhvatin dhe keqpërdorin asnjëherë pasurinë e qytetarëve, duke aluduar në PDK-në edhe pse nuk e ka përmendur me emër.
“Ne do te shkojmë, krah për krah, së bashku me partnerët tanë dhe qytetarët e Kosovës dhe t’i plotësojmë kërkesat e tyre për një jetë të sigurt e me perspektivë”, ka premtuar Pacolli.
Ndërsa i nominuari për kryeministër Avdullah Hoti ju bëri thirrje qytetarëve që t’i përkrahin siç tha “njerëzit e punës e të nderit, të cilët janë bërë bashkë për ta formuar qeverinë më të mirë që do të ketë Kosova”. Ky deklarim i Hotit shkon paksa me slloganin e AAK-së “ka ardhë koha për njerëzit e mirë të këtij vendi”. /tesheshi.com/
