Kreu i diplomacisë kosovare, Behgjet Pacolli, ka përgënjeshtruar atë që pretendon homologu i tij serb, Ivica Daciç, se Gambia do të tërhiqet nga njohja e pavarësisë së Kosovës. Me anë një statusi në FB, Pacolli ofron një fakt që sipas e rrëzon pretendimin e Vuçiçit.
“Akreditimi diplomatik dhe dorëzimi i letrave kredenciale i Ambasadorit të Kosovës tek Presidenti i Gambisë, Adama Barroë, ishte pëgjigja më e merituar ndaj propagandës dhe qëllimeve malinje të Daqiqit dhe diplomacisë serbe për minimin e kredibilitetit dhe subjektivitetit ndërkombëtar të Kosovës”, shprehet Pacolli. Më tej, ministri i Jashtëm i Kosovës, thotë se aksioni i diplomatik i Vuçiçit për anullimin e njohjeve, është i kotë.
“Ministrit të jashtëm serb i thash në sy në Sarajevë mos më ndjek dhe mos shpenzo energji të kota se betejën e keni të humbur. Më habiste fakti se si mediat tona raportonin lajme të tilla të rreme dhe pa verifikim faktesh se kinse “Gambia do të tërhiqte njohjen”. E kam thënë edhe më herët se e ashtuquajtura “tërheqje e njohjes” nuk ekziston në të Drejtën Ndërkombëtare dhe kjo është vetëm propagandë serbe për të krijuar mjegull dhe huti”, thekson Pacolli. /tesheshi.com/
