Behgjet Pacolli, lider i AKR-së dhe ish-president disajavor i Kosovës, është tifutur së fundi në politikën aktive nëpërmjet një lajmi të shpërndarë nga disa qarqe, sipas së cilave do të kandidojë për Komunën e Prishtinës në zgjedhjet lokale, në kolalicion me PDK-në e Thaçit (de fakto) apo me atë të Veselit (de jure).
Por ai e ka hedhur poshtë këtë lajm duke e konsideruar një spekulacion politik me synim dëmtimin e reputacionit të partisë së tij. Dhe, si shumë liderë të tjerë partish shqiptare, edhe Pacolli pretendon se forca e tij politike po rritet dita-ditës, e për këtë po tentojnë ta dëmtojnë me lajme të tilla.
“Kurrë në jetë nuk është diskutuar ky opsion. Kjo është gënjeshtër e kulluar, e ndërtuar prej njerëzve qëllim këqij dhe prej gazetarëve jo-profesionistë. Më këto lajmë ata po duan të dëmtojnë jo vetëm AKR-në, por edhe personalitetin tim. E kanë parë se AKR po rritet dita ditës. Kjo siç duket ata i ka frikësuar shumë. Prandaj nxjerrin këso lajmë të trilluara dhe të cilat kanë vetëm një qëllim: dëmtimin e AKR-së”, ka thënë Pacolli.
Për momentin, partia e tij zotëron vetëm komunën e Gjakovës, pasi ajo drejtohet nga Mimoza Kusari-Lila; por që ka mbetur jashtë parlamentit, ku dhe vetë Pacolli vijon të jetë në hije për shkak të të mosqënit deputet. /tesheshi.com/
