Kreu i AKR-së Behgjet Pacolli tha se nuk do jetë pjesë e qeverisjes së re, porse ai do e votojë atë.
“AKR mbetet jashtë koalicionit por do të mbështetë çdo veprim të çdokujt që shkon në interes të qytetarëve të Kosovës dhe një qeverisje të mirëfilltë të vendit. Dhe pse do të rrimë në opozitë kemi vendosur se dy votat e AKR do të shkojnë në favor të krijimit të kësaj qeverie”, tha Pacolli për Ora News.
Kujtojmë se këtë qëndrim ai mbajti dhe javë më parë, duke thënë se preferon të mbetet në opozitë.
Kjo deklaratë e Pacollit vjen pak pasi kreu i LDK-së Isa Mustafa, tha se “me AKR-në nuk e kemi kryer koalicionin mirëpo ne parim jemi pajtuar që të jenë pjesë e qeverisë”, tha ai.
Në qeverisjen e mëparshme, Pacolli qe ministër i Jashtëm. E ndërsa e morri këtë post në emër të disa njohjeve garantuar prej tij nga disa vende të botës së tretë, kjo duke mos mbajtur post zyrtar, në kushte të drejtimit të diplomacisë dështoi të sillte njohje të reja. /tesheshi.com/
