Zv.kryeministri kosovar, Behgjet Pacolli, ka përfunduar me një sukses të madh vizitën në Turqi, pasi ftesa e tij që presidenti Erdogan dhe kryeministri Yildirim ta vizitojnë Kosovën në një të ardhme të afërt ka marrë përgjigje pozitive.
Yildrim, e ka pranuar me kënaqësi të vijë në Kosovë siç ka thënë në një kohë të përshatshme pa dhënë ndonjë datë të saktë. Ftesë të ngjashme Pacolli i ka përcjellur nëpërmjet kryeministrit Yildrim edhe presidentit Erdoğan, vizitë kjo sipas kumtesës së Zyrës së Pacollit, pritet të ndodh në një të ardhme të afërt.
Ndërkohë ë takimin kokë me kokë Pacolli e Yilidrim kanë vlerësuar lartë marrëdhëniet e shkëlqyera në mes dy vendeve dhe dy popujve, duke shprehur përkushtimin dhe zotimin e dy- anshëm për t’i focuar dhe thelluar ato edhe më shumë.
Pacolli ka falënderuar kryeminsitrin Yildrim për mbështetjen e fuqishme, që Turqia i ka dhënë dhe do t’i jep Kosovës në procesin e njohjes, anëtarësimit në organizata ndërkombëtare dhe për vendosmërinë e thellimit të mëtejmë të bashkëpunimit ekonomik dhe rritjes së investimeve në Kosovë.
Vizita e zv.kryeministrit Pacolli, është e para në Turqi, që nga ardhja e tij në pushtet në këtë funksion. /tesheshi.com/
