Ministri i Jashtëm i Kosovës Behgjet Pacolli ka thënë se çdokush që do zgjidhet kryeministër i ri pas zjedhjeve të 6 tetorit, do shfuqizojë me taksën ndaj Serbisë, përveç Ramush Haradinajt.
“Përsëris, ai fitues i zgjedhjeve, ai kryeministër i ardhshëm që thotë se do t’i mbajë taksën, po gënjen. Unë e përjashtoj Haradinaj nga kjo sepse e njoh si kokëfortë. Kur ai vendos për diçka, nuk mund ta ndryshosh. Ai nuk e ndryshon qëndrimin e tij”, tha Pacolli për KTV.
Siç tha ai, Haradinaj mund të prishë një premtim të tij, por ai nuk do të heqë dorë nga taksat, dhe vlerësoi se të gjithë të tjerët që mbështetën idenë e taksës, pas zgjedhjeve nuk do të kenë të njëjtin qëndrim.
“Ky është një realitet që na pret pas zgjedhjeve”, shtoi Pacolli.
Ai akuzoi zv/kryeministrin në largim, Enver Hoxhaj për mashtrim të anëtarëve të qeverisë, kur pretendoi se kishte siguruar mbështetjen e Ambasadës së SHBA në Kosovë për futjen e masës origjinale 10 përqind për importet e mallrave nga Serbia dhe Bosnj, e cila qe në fuqi disa javë para prezantimit të taksës prej 100 përqind. /tesheshi.com/
