Kreu i AKR-së, Behgjet Pacolli, ka shuar përfundimisht zërat e ngritur së fundmi se partia e tij do ta votojë Ramush Haradinajn për kryeministër, duke i quajtur shkrimet mediale spekulime.
Pacolli ka thënë qartë se nuk ka asnjë lëkundje të AKR-së dhe se do t’i qëndrojë besnik koalicionit me LDK-në, duke dhënë shpresat për një qeveri të mundshme me Vetëvendosje-n.
Ndërsa kandidati për kryeministër nga koalicioni LDK-AKR-Aletarnativa, Avdullah Hoti ka ngacmuar koalicionin fitues PDK-AAK-NISMA për të cilin tha se çdo ditë po vërtetohet se nuk i kanë numrat për krijimin e qeverisë.
“Ne shpresojmë që pas dështimit të tyre të na jepet mundësia që ne të krijojmë qeverinë së bashku me Vetëvendosjen”, ka deklaruar Hoti pas takimit me aleatët e koalicionit, ndërsa tha se ende nuk kanë vendosur nëse do të shkojnë në takim të presidenti Thaçi.
Kujtojmë se zërat për bashkëngjitjen e AKR-së me PAN-in u shpeshtuan pas takimit që Rrahim Pacolli zhvilloi dje me Kadri Veselin, Sami Lushtakun e presidentin Thaçi në një nga restaurantet e Prishtinës./tesheshi.com/
