Boeing me qendër në SHBA ka njoftuar furnitorët e tij se do të vazhdojë të prodhojë modelin e tij më të shitur 737 max, nga shkurti i vitit 2020, me 57 avionë në muaj.
Siç thanë burime për Reuters, Boeing u ka përcjellë këtë plan furnizuesve të saj, rreth 100 sosh, që në mbledhjen e 30 korrikut. Megjithatë, ky plan varen nga vendimi i qeverisë për të lëshuar licencat për 737-ën, që të fluturojë sërish në tremujorin e fundit të 2019-ës.
Aksionet e eksportuesit më të madh amerikan me afërsisht 145,000 të punësuar u rritën 4.5 përqind në 355.18 dollarë amerikanë për aksion, raporton Reuters.
Mbikëqyrje tejet e rreptë
Agjensia britanike kujton se përveç modeleve më të fundit 737 max në uzinën e tij në Seattle, Boeing prodhon edhe lloje të hershme të 737-ve, si dhe variante ushtarake të këtij lideri në aviacionin civil.
Një burim i Reuters, sidoqoftë, shprehu skepticizëm në lidhje me datën që Boeing planifikon të rifillojë prodhimin e 737-ës, duke pasur parasysh mbikëqyrjen tejet të rreptë të imponuar nga autoritetet amerikane dhe ndërkombëtare të aviacionit civil mbi modelin 737 max, pas përplasjeve fatale në Etiopi dhe Indonezi. /tesheshi.com/
