E gjithë bota e futbollit u kthye kundër Nusret Gokçes, kuzhinierit dhe kasapit të famshëm, i cili pas finales së Botërorit në Katar, i ndoqi lojtarët e kombëtares së Argjentinës nëpër fushë duke u kërkuar të bënte foto me ta, posaccërisht Messin.
Ai arriti deri aty sa mori në dorë trofeun e destinuar për fituesin e Botërorit, duke pozuar me kupën e artë.
Pas finales së Ligës së Kampionëve në vitin 2018, e cila u mbajt në Kiev, ishte edhe më keq.
Atë vit, Real Madridi fitoi kupën duke mposhtur 3:1 Liverpool-in, ndërsa ndeshja kujtohet edhe për ndërhyrjen e ashpër të Sergio Ramosit ndaj Mohamed Salah.
Të gjithë mund të shihnin se sa i mërzitur ishte Salah sepse ai nuk mundi të ishte në fushë për më shumë se 30 minuta në ndeshjen e karrierës së tij.
Po atë mbrëmje, pas ndeshjes, Nusret bëri një foto me Ramosin dhe Salahun, si dhe me lojtarë të tjerë të Real Madridit, si dhe me trajnerin e asaj kohe, Zinedine Zidane.
Nusret Gokce, i njohur më mirë si Salt Bae, zotëron një zinxhir restorantesh luksoze të frekuentuara nga të famshmit dhe është bërë i famshëm për mënyrën se si vendos erëza dhe copa mishi para mysafirëve.
Bërja e fotove me yjet e futbollit dhe shtyrja e tij atje ku nuk i takon kanë kontribuar edhe më shumë në famën e tij, paccka një keqmendimi tashm për të.
Aktualisht ai ndiqet nga pothuajse 50 milionë njerëz në Instagram. /tesheshi.com/
