Ndërsa merrte vlerësimin e puns së një jete në ceremoninë e ndarjes së çmimeve, Golden Globe, aktorja Meryl Streep kritikoi performancën e presidentit të zgjedhur, Donald Trump në fushatë, gjatë së cilës ai talli një reporter me aftësi të kufizuara.
Nuk është aspak sekret, që Hollivudi ka pikëpamje liberale dhe se kishte shumë pak fansa të Donald Trump në audiencën e ceremonisë së Golden Globes. E ndërsa shfaqja vazhdonte me disa shaka në kurriz të presidentit, Meryl Streep përdori një ton pabesueshmërisht serioz ndërsa fliste për zgjedhjet e fundit presidenciale.
Streep pranoi çmimin Cecil B. DeMille — praktikisht çmim për arritjet e një jete në ekra — por nuk foli shumë për karrierën e saj. Në vend të kësaj ajo i shpenzoi minutat në dispozicion për të shpalosur kritikat e saj ndaj klimës aktuale politike dhe ndaj Trump, edhe pse nuk e përmendi presidentin e zgjedhur me emër.
Megjithatë, Trump iu përgjigj fjalimit në një intervistë të shkurtër me “New York Times”, menjëherë pas transmetimit të Golden Globes. Ai i tha gazetës se nuk e kishte parë fjalimin apo pjesë të tjera të shfaqjes, por e hodhi poshtë Streep si një “dashuruese e Hillarisë” dhe tha se ai nuk ishte aspak i habitur që sulmohet nga “njerëzit liberalë të filmave”.
Por ndërkaq, Streep mori mjaft audiencë kur me një zë të ngjirur nisi të mbajë fjalimin e saj:
“Ju falemnderit shumë. Duhet të më ndjeni për zërin që e kam humbur duke bërtitur dhe duke u ankuar këtë javë. Dhe kështu humba edhe mendjen pak kohë më parë gjatë vitit të kaluar.
Falemnderit edhe shtypit të huaj në Hollivud. Duke marrë shkas nga ajo që Hugh Laurie tha. Ju dhe të gjithë ne në këtë sallë, vërtet që u përkasim segmenteve më të keqtrajtuara në shoqërinë amerikane në këto momente. Mendoni. Hollivudi, të huajt dhe shtypi. Por kush jemi ne dhe çfarë është Hollivudi, sidoqoftë? Janë thjesht një grup njerëzish nga vende të tjera. Unë u linda, u rrita dhe arsimova në shkollat publike të Nju Xhersit. Viola është lindur në një kabinë në Karolinën e Jugut. Sarah Paulson u lind në Florida dhe u rrit nga një nënë e vetme në Bruklin.
Sarah Jessica Parker ishte një nga shtatë apo tetë fëmijët e një familje nga Ohajo. Amy Adams u lind në Vicenza në Itali dhe Natalie Portman në Jeruzalem — ku i kanë çertifikatat e lindjes? Dhe e bukura: Ruth Negga është lindur në Addis Abeba, Etiopi, u rrit në Irlandë dhe ajo është këtu tani, e nominuar për rolin e një vajze nga një qytet i vogël nga Virxhinia. Ryan Gosling, si të gjithë njerëzit e sjellshëm është kanadez. Dhe Dev Patel është lindur në Kenia, rritur në Londër dhe është këtu se ka luajtur rolin e një indiani të rritur në Tasmani. Kështu Hollivudi është mbushur me të jashtëm dhe të huaj. Dhe nëse ne i shkelmojmë të gjithë jashtë, nuk do të keni asgjë për të parë përveç futbollit dhe arteve marciale që nuk janë arte.
Puna e një detyre është të hyjë në jetët e njerëzve që janë të ndryshëm nga ne dhe t’ju lejojë ju të shihni sesi ndjehen ata. Dhe ka pasur shumë, po shumë performanca këtë vit që shkaktuan pikërisht këtë efekt tronditës të një pune plot dhembshuri. Kishte një performancë vitin e kaluar që më shtangu. Më hodhi ganxhat në zemër. Jo sepse ishte e mire. Nuk kishte asgjë të mirë. Por ishte efektive dhe kreu punë. Bëri që audienca e synuar të qeshte e të nxirrte edhe kthetrat. Ishte moment kur personit që kërkonte të ulej në karriken më të respektuar të vendit tonë, imitoi një reporter me aftësi të kufizuara. Dikë që ai e tejkalonte në privilegje, pushtet dhe aftësi për kundëpërgjgije. Në një farë mënyre m’u thye zemra kur e pashë. Nuk mund ta heq ende nga mendja për shkak se nuk ishte në një film. Ishte jetë e vërtetë.
Dhe ky instikt për të poshtëruar, kur modelohet nga dikush prej platformës publike, nga dikush i fuqishëm, filtron poshtë në jetën e secilit, për shkak se u jep leje njerëzve të tjerë të bëjnë të njëjtën gjë.
Mungesa e respektit sjell mungesë respekti. Dhuna nxit dhunë. dhe kur një i fuqishëm e përdor pozicionin e vet për të ngacmuar e tallur të tjerët, ne humbasim të tjerët.
Kjo më sjell mua tek shtypi. Ne kemi nevojë për një shtyp me parime që të mbajë nën kontroll pushtetin, për ta nxjerrë atë përpara për çdo veprim revoltues. Kjo është arsyeja përse etërit tanë themelues shenjtëruan shtypin dhe lirinë e tij në Kushtetutën tonë. Kështu unë i kërkoj shtypit të huaj në Hollovud, mjaft të njohur dhe komunitetin tonë të mbështesim komitetin e mbrojtjes së Gazetarëve, për shkak se ne do kemi nevojë për ta në rrugën që na pret, dhe ata kanë nevojë për ne për të mbrojtur të vërtetën.
Edhe një diçka tjetër. Njëherë kur isha duke u sjellë vërdallë dhe duke u grindur për një gjë në sheshxhirim, ne do të punonim orë shtesë, Tommy Lee Jones më tha: “A nuk është privilegj Meryl, thjesht të jesh aktor”?. Po është. Dhe ne duhet të kujtojmë njëri-tjetrin për privilegjin dhe përgjegjësinë e një akti dhembshurie. Ne duhet të jemi të gjithë krenarë për punën që Hollivudit vlerëson sonte. Ashtu sikundër mikesha ime e ndjerë, princesha Leia më tha dikur: “Përdore zemrën tënde të thyer, bëje art”.
Përgatiti: Juli Prifti – /tesheshi.com/
