Ka përfunduar rreth orës 20:00 takimi i kryeministrit të Kosovës Albin Kurti me presidentin e Serbisë Aleksandar Vuçiç me zyrtarë evropianë në Bruksel, pas disa orë bisedimesh.
Vuçiç dhe Kurti u takuan me Përfaqësuesin e Lartë të Bashkimit Evropian për Politikë të Përbashkët të Jashtme dhe Siguri, Josep Borrell dhe Përfaqësuesin Special Evropian për Dialog, Miroslav Lajçak.
Takimi i sotëm i presidentit të Serbisë dhe kryeministrit të Kosovës ishte momenti më i rëndësishëm në procesin e normalizimit të marrëdhënieve në dhjetë vitet e fundit, raporton RSE.
Në një postim në Twitter përpara takimit të përbashkët, Borell tha se shpresonte për një qasje konstruktive nga të dyja palët.
“Përshëndeta presidentin Aleksandër Vuçiç dhe kryeministrin Albin Kurti në Bruksel në një takim të nivelit të lartë si pjesë e dialogut Beograd-Prishtinë. Në rendin e ditës: propozimi i BE-së për normalizimin e marrëdhënieve. Shpresoj për një qasje konstruktive nga të dy anët”, ka shkruar Borell.
Kurti dhe Vuçiç më herët janë takuar veçmas me zyrtarë evropianë, ndërsa janë takuar edhe me të dërguarin amerikan për Ballkanin Perëndimor, Gabriel Escobar.
Por takimi nuk ka ofruar rezultat konkret.
Siç mësohet, Kurti nuk ka pranuar Asocacionin, me ç’duket, pa u përmirësuar nga ai që i jep kompetenca ekzekutive dhe që është njëetnik.
Takimi i radhës është lënë për më 18 mars. /tesheshi.com/
