Kreu demokrat Basha kujtoi përvjetorin e radhës së themelimit të PD-së, parti të cilën ai e drejton, por pa qenë pjesë e atij brezi themesluesish të atëhershëm. Për këtë arsye, i mungojnë kujtimet vetjake.
Liri – Demokraci! 29 vjet më parë këto 2 fjalë ishin oksigjeni që rikthyen në jetë një komb, i cili ra në errësirën e diktaturës më të egër komuniste për gati 5 dekada. Liri – Demokraci është guri i themelit që ngriti në këmbë shtëpinë e demokratëve, shtëpinë e shqiptarëve që e donin Shqipërinë si gjithë Europa”, shkruan Basha në një mesazh përkujtues.
Sipas tij, PD mbetet një parti e shpresës.
Për 29 vite, Partia Demokratike ia ka dalë të jetë partia e shpresës. Kjo është arritja jonë më e madhe në këto 29 vjet. Sot shqiptarët i kanë sytë nga ne për të finalizuar misionin për të cilin u themelua Partia Demokratike si garante e lirisë, e demokracisë dhe e mirëqenies së qytetarëve shqiptarë.
Shqiptarët meritojnë të votojnë të lirë për qeverisjen e tyre, ata meritojnë një qeveri që punon për mirëqenien e tyre, që respekton fjalën e lirë dhe të drejtën e pronës, një qeveri që bën më të mirën për të siguruar të ardhmen e qytetarëve të saj! Fëmijët tanë meritojnë të rriten si shqiptarë europianë në Shqipërinë tonë të bukur, Shqipërinë si gjithë Europa! Dhe së bashku do ta bëjmë realitet!”, shkruan kreu demokrat.
Por zëra kritikë dhe nga brenda saj, pohojnë se PD po përjeton sot krizën më të rëndë të saj që në themelimi, referuar trëguesve të ulët elektoralë.
Sipas kritikëve, PD ka krizë të rëndë lidershipi, pasi Basha, njeriu që po e udhëheq po ndjek taktika të gabuara politike, pa arritur ta bëjë aspirante të besueshme për t’u kthyer në pushtet. /tesheshi.com/
