Është e qartë që Rama e Veliaj kanë zgjedhur jo thjesht moskompleksimin por dhe publikimin pa vetëfrenim të raportit të tyre të ngushtë me Soros junior.
Së fundi, kryebashkiaku i Tiranës që ndodhet për një vizitë në SHBA, ka publikuar një foto me të birin e George-it, duke shkruar:
“Pavarësisht uniformës, ne jemi pjesë e të njëjtit ekip, që bashkëpunojmë për ta çuar përpara Evropën Juglindore!
Faleminderit për angazhimin tënd vëlla!
I lumtur që të takova në Neë York dhe pres me padurim të hapim Piramidën në mes të tetorit!”.
Pra, Veliaj nuk druhet ta quajë edhe vëlla të riun që ka marrë frenat e Shoqërisë së Hapur të babait të tij, promovues të liberalizmit me bazë teoritë filozofike të Karl Poperit.
Në një pjesë të shoqërisë, Soros vijon të shihet si djall, me sy konspirativ, pas së cilit qëndrojnë disa nga të këqijat e kësaj bote.
Më lokalisht, në Shqipëri, pushteti i majtë shihet si sorosian, edhe pse vetë Soros renditet ndër antikomunistët të më mëdhenj me rol global kundër regjimeve komuniste. Nga ana tjetër, Berisha gjeti te Soros shpëtimin për të shpjeguar “non grata”-n amerikane ndaj tij. Sipas tij, është Soros ai që ka lobuar te DASH. /tesheshi.com/
