Pa fjalë por me foto: edhe kryeministri “të thyhen në mes”

Krahas nderimit për Luiza Gegën, kryeministri Rama priti dhe boksierin Florian Marku para një sfide të këtij të fundit në Air Albania.

“I nderuar nga vizita e një tjetër ylli të sportit shqiptar, superstarit të ringut Florian Marku, që të enjten synon në Air Albania Arena gjerdanin e madh të kampionit të kategorisë sipërore WBC”, shkruan Rama në fotot e shpërndara në Facebook.

Në to, bie në sy një sosh ku ai shfaqet duke boksuar me Markun.

Fabula ngjan si politike, ku pas deklarimeve të Metës si “i fortë” – “të thyhej në mes”, do deklaronte ai ditë më parë dhe krejt seriozisht – shfaqet Rama me performancën e atij që mund të të thyejë në mes. /tesheshi.com/