Mesut Ozil rimerr kurorën e më të mirit në Gjermani pasi e kishte huazuar vitin e shkuar tek kolegu i tij, Toni Kroos. Mesfushori i Arsenal-it e ka fituar këtë çmim pas votimit online që është bërë në faqen zyrtare të Federatës Gjermane të Futbollit.
Turku me nënshtetësi gjermane mori 45,9% të votave të anketuesve, duke u renditur para Thomas Mulleri-t dhe Jones Hector-it, që kishin siguruar respektivisht 15.9% dhe 13,6 % të votave.
Në këtë mënyrë, Ozil-i e bën të tijin për herë të katërt në pesë vite çmimin e futbollistit më të mirë të vitit në Gjermani.
Ky sukses i tij vjen pas paraqitjeve mbresëlënëse me klubin ku ai luan, Arsenal-in, dhe përfaqësuesen gjermane. /tesheshi.com/
