Hendeku në mes të njerëzve super të pasur dhe pjesës më të varfër të popullsisë së botës është më i madh sesa mendohej më parë, me vetëm tetë njerëz, përfshirë Bill Gates dhe Michael Bloomberg, të cilët zotërojnë pasuri më të madhe se 3.6 miliardë banorë, sipas një analize të lëshuar nga Oxfam të hënën .
Duke paraqitur rezultatet para fillimit të mbledhjes vjetore të elitës globale politike dhe të biznesit në vendpushimin zviceran të Davos, organizata kundër-varfërisë, Oxfam vë në dukje se ky hendek është shumë më i madhe se një vit më parë. Dhe organizata u bën thirrje udhëheqësve që të bëjnë më shumë, se sa të qëndrojnë duarkryq para këtij problemi.
Nëse jo, ai paralajmëron se zemërimi publik kundër kësaj pabarazie do të vazhdojë të rritet dhe do të çojë drejt shumë ndryshimeve politike sizmike të ngjashme me zgjedhjen e Donald Trumpit si president i SHBA-së dhe votimit të Britanisë për t’u ndarë nga BE, Brexit ndryshe, sië ndodhi vitin e kaluar.
“Është e turpshme që kaq shumë pasuri të jetë në duart kaq pak njerëzve, kur 1 në 10 sosh mezi mbijetojnë me më pak se 2 dollarë në ditë”, thotë Winnie Byanyima, drejtor ekzekutiv i Oxfam International, prezent në takimin në Davos. “Pabarazia po zhyt me qindra milionë njerëz në varfëri; ajo po ndan shoqëritë tona dhe po minon demokracinë.”
I njëjti raport një vit më parë, tha se 62 njerëzit më të pasur në planet posedojnë në pronësi pasuri aq sa gjysma më e varfër e popullsisë. Megjithatë, Oxfam ka rishikuar këto të dhëna, duke redukuar këtë shifër deri në tetë, pas informacioneve të reja të mbledhura nga banka zvicerane Credit Suisse.
Oxfam për përpilimin e raportit të saj ka përdorur listën e miliarderëve sipas revistës Forbes”, që u botua në fund të marsit të vitit 2016.
Lista e njerëzve më të pasur duket si vijon:
-Bill Gates, themeluesi i Microsoft, 75 miliardë dollarë
-Amancio Ortega, themeluesi i shtëpisë së modës Inditex
-Warren Buffett, financier
–Carlos Slim Helu, magnat meksikan i biznesit
-Jeff Bezos, udhëheqësi i Amazon
–Mark Zuckerberg, krijuesi i Facebook-ut
-Larry Ellison, themeluesi i Oracle
–Michael Bloomberg, ish kryebashkiaku i New York-ut
Oxfam përshkroi masat që ajo shpreson se do të miratohen, për të ndihmuar në uljen e pabarazisë.
Ato përfshijnë taksat më të larta mbi pasurinë dhe të ardhurat; financimin e investimeve në shërbimet dhe punët publike; bashkëpunimi më i madh mes qeverive dhe punëtorëve për t’u siguruar se po paguhen si dhe sa duhet; të pasurit të mos i shmangen pagesës së taksave të tyre; si dhe liderët e bizneseve të angazhohen për të paguar pjesën e tyre të tatimeve. /tesheshi.com/
