Presidentja e Kosovës, Vjosa Osmani, në një intervistë për Radion Evropa e Lirë ka deklaruar se Kosova nuk do të diskutojë më për hapjen e urës në Mitrovicë në kuadër të dialogut me Serbinë, siç kërkohet nga Bashkimi Evropian dhe KFOR-i.
Ajo tha se kërcënimi definitivisht nuk vjen nga popullata shqiptare.
“Dhe besoj fuqishëm se nuk vjen as nga qytetarët serbë që duan të jetojnë normalisht në komunat e tyre në veri”, tha ajo.
Osmani thotë se ekziston një kërcënim i vazhdueshëm, “siç e dimë të gjithë dhe siç e kemi thënë publikisht shumë herë, nga forcat e financuara, të inkurajuara, të shtyra politikisht dhe ushtarakisht të trajnuara nga Serbia.
Sigurisht, është në interesin e Serbisë që gjithmonë të shkaktojë një lloj tensioni në Kosovë. Po flasim për njerëz që drejtojnë bandat. Po flasim për terroristë, forca paraushtarake. Dhe të gjithë ata njerëz janë të lirë, të udhëhequr nga (Milan) Radojçiç në Serbi”.
Më tej ajo shtoi: “Sigurisht që nuk mund t’i publikojmë të gjitha detajet, por, po, ata kanë njerëz në Kosovë që ende po përpiqen t’i fshehin armët.
Vetëm pak ditë më parë, siç e dini, policia jonë konfiskoi armët e fshehura nga persona të caktuar në veri të lidhur me bandat në Serbi dhe të cilët, natyrisht, gjithmonë veprojnë sipas urdhrave të trurit politik pas gjithë kësaj, Aleksandar Vuçiç.” /tesheshi.com/
📽️ Osmani kërkon hetim të plotë rreth vrasjes në Ferizaj
Presidentja e Kosovës ka thënë se shpreson që institucionet e drejtësisë do ta hetojnë në hollësi rastin e vrasjes së një familjari të bashkëshortit të saj, në Ferizaj.
🔗 Intervista e plotë: https://t.co/BYGUkaMO2F pic.twitter.com/1UMWYuJvZi
— Radio Evropa e Lirë (@evropaelire) August 19, 2024
