Presidentja e Kosovës Vjosa Osmani është shfaqur nervoze me ndërkombëtarët, duke u kujtuar dhe njëherë atyre se kush është Vuçiç, duke mos pranuar barazi në qasje mes vendit të saj dhe Serbisë.
Në Ditën Ndërkombëtare të viktimave të zhdukjeve me forcë, teksa zhvilloi homazhe tek Memoriali i të Pagjeturve në Prishtinë, Osmani kërkoi që të hiqet dorë nga trysnia ndaj Kosovës derisa “Vuçiç fle mbi varret e të pagjeturve nga lufta”.
Nga ana tjetër, Osmani reagoi nga presidentit Macron i cili paralajmëori me pezullimin e vizavepër shkak të ngecjes së dialogut dhe moskthimit në normalitet.
“Në qoftë se dëshiron dikush që të mos ketë më dialog, atëherë ndërmerr masa të tilla, që janë masa ndëshkuese ndaj popullit të Kosovës. Nuk janë ndaj ndonjë lideri, nuk janë ndaj një politike, janë ndaj popullit të Kosovës. Dhe një ndëshkim i tillë i paprecedentë, që edhe ashtu ka qenë padrejtësi e madhe për popullin e Kosovës, do të rezultojë me vdekjen e dialogut. Nuk ka më askush mandat që të shkojë në Bruksel, kur populli i Kosovës ndëshkohet”, tha presidentja e Kosovës.
Në sinkron me të ka qenë dhe kryeministri Kurti, duke u kujtuar ndërkombëtarëve një Serbi që ka vrarë, masakruar e zhdukur njerëz.
“Sot e gjithnjë u bëj thirrje partnerëve ndërkombëtarë që ta rrisin presionin mbi Serbinë, si përgjegjëse për zhdukjen e qytetarëve tonë, për të zbardhur fatin e tyre dhe për të vënë drejtësi duke dënuar përgjegjësit politikë ushtarakë e policorë për këto krime”, u shpreh Kurti. /tesheshi.com/
