Nga agresioni rus këto ditë është goditur edhe Kisha Ortodokse e Ukrainës. Kjo e fundit ka publikuar në kanalet e saj zyrtare të dhëna për priftërinjtë e vrarë dhe të arrestuar, duke thënë se agresori rus është veçanërisht brutal ndaj kësaj kishe.
“Sot, ushtria ruse vrau hieromonkun Platon. Ne jemi të trishtuar sepse mësuam se në Volnovasi, pushtuesit rusë vranë Abbatin Platon (Morgunov), i cili ishte gjithashtu një kapelan ushtarak”, thuhet në faqen zyrtare të Kishës Ortodokse të Ukrainës.
“Të lutemi për shpirtin e vëllait tonë, priftit Rostislav Dudarenko, i cili u vra pafajësisht nga pushtuesit rusë. Ai u vra nga armët e armikut në një pikë kontrolli në rrethin Yasnogorodka Fastiv të rajonit të Kievit. I përjetshëm kujtimi dhe mbretëria e qiejve At Rostislav”, thuhet në njoftimin e Kishës Ortodokse të Ukrainës.
“Fatkeqësisht, Ukraina ende po humbet djemtë dhe vajzat e saj. Pushtuesit po vrasin civilë, po qëllojnë fëmijë dhe mjekë. Okupatori rus vrau kapelanin e Kishës Ortodokse të Ukrainës, Maxim Kozachin. Pushtuesit qëlluan në drejtim të priftit tonë teksa ai ishte në makinë në dalje nga fshati. Prej disa ditësh kufoma e priftit nuk mund të merret nga vendi i vrasjes, pasi pushtuesit qëllojnë mbi këdo që i del përpara. Megjithatë, trimat ukrainas e morrën trupin e priftit dhe ai tashmë ishte varrosur”.
Kisha ukrainase publikoi edhe një foto dhe informacion për priftin e zhdukur, kryepriftin Vasily Virozub
“Por ne jemi të bindur se armiku do të mposhtet! Ne besojmë në fitoren e jetës mbi vdekjen. Lavdi Ukrainës!”, përfundon mesazhi kishtar. /tesheshi.com/
