Dhjetë alpinistë – nëntë britanikë dhe një amerikan – që ishin në malet Tien Shan në Kirgistan patën fatin t’i shpëtojnë një orteku që filloi të binte me shpejtësi të madhe nga mali.
Rregjistruesi i pamjeve ishte Harry Sitmin, i cili postoi videon në Instagram. Aty shihet orteku që zbret nga një distancë mjaft e madhe. Ai vetë i shpëtoi vdekjes së sigurt për shkak të pozicionit të tij, pasi ishte pas shkëmbinjve, pranë një strehe. I gjithë grupi arriti të fshihej ndërsa dëbora kalonte mbi ta.
Simin u largua nga grupi për të bërë foto kur dëgjoi “zërin e thellë të akullit që kërciste pas tij”, siç shkruante në llogarinë që ka postuar videon.
“E dija se kishte një vend strehimi pranë meje,” shtoi ai.
Në transmetimin e tij ai përshkruan saktësisht atë që ndodhi. “Unë nuk lëviza deri në minutën e fundit. E di gjithashtu që kam rrezikuar shumë, pasi kur bora filloi të binte mbi mua dhe u errësua, ishte e vështirë të merrja frymë dhe mendova se mund të vdisja”.
Malet Tien Shan shtrihen kryesisht përgjatë Kirgistanit juglindor dhe kufirit të tij verilindor me Kinën. Në të kaluarën ishte pjesë e rrugës së lashtë të tregtisë së mëndafshit nga Lindja e Mesme dhe Azia në perëndim.
During a guided tour of the Tian Shan mountains in Kyrgyzstan, a group of tourists captured this avalanche
[source, HD by Harry Shimmin + full story: https://t.co/4R0dbG2clN] https://t.co/DPMqK1kELG— Massimo (@Rainmaker1973) July 10, 2022
Simin tha se ai e dinte se pjesa tjetër e ekipit ishte larg, kështu që ata do të ishin të sigurt. Ai vetë ndjeu “marramendje” kur kuptoi se ishte mbuluar me një shtresë të lehtë bore mbi të dhe mbijetoi pa asnjë gërvishtje.
Një anëtar amerikan i skuadrës kishte një lëndim në gju. Megjithatë, të gjithë filluan të qeshin dhe të qajnë, të lumtur që ishin gjallë. “Më vonë e kuptuam se sa me fat ishim. “Nëse do të kishim ecur pesë minuta më shumë, të gjithë do të kishim vdekur”, thotë alpinisti. /tesheshi.com/
