Organizatat e luftës kundërshtojnë vendimin e qeverisë: pensionet e veteranëve duhet të jenë 220 euro

Organizatat e dala nga lufta OVL UÇK, SHFD UÇK dhe SHIL UÇK, kanë reaguar lidhur me vendimin e Qeverisë së Kosovës për caktimin e shumës së pensioneve për veteranët e luftës.
“Pas vendimit të sotëm që u mor nga qeveria e Kosovës, e cila e tregoi papërgjegjësinë e radhës ndaj veteranëve të luftës së Ushtrisë Çlirimtare të Kosovës, duke përcaktuar shumën e pensionit prej 130 euro deri 170 euro, organizatat e dala nga lufta e UÇK-së, nuk pajtohen kurrsesi me këtë ndarje në bazë të moshës, dhe do ta kundërshtojmë fuqishëm me demonstrate nëse kjo nuk korrigjohet shpejt nga ana e qeverisë. Po ashtu kërkojmë të respektohet marrëveshja në mes neve dhe qeverisë që pensionet për veteranët të merren në mënyrë retroaktive nga janari i vitit 2015 dhe me lartësinë 220 euro”, thuhet në njoftim. /te sheshi.com/