Organizata për Çlirimin e Palestinës (PLO), një ombrellë partish politike me ndikim, i ka bërë thirrje Britanisë të kërkojë falje për Deklaratën e Balfour të vitit 1917 – një dokument që përcaktoi themelet për krijimin e Izraelit.
“Është koha që Britania të veprojë me përgjegjësi për të realizuar të drejtat politike të popullit palestinez, të cilat u mohuan një shekull më parë”, tha Sekretari i Përgjithshëm i PLO, Saeb Erekat në një deklaratë të shtunën. Ai shtoi se Palestina mbetet viktimë e këtij pengu kolonialist i cili mohoi të drejtat politike të popullit dhe të drejtën e tyre legjitime për vetëvendosje
Deklarata e Balfour-it, e datës 2 nëntor 1917, ishte një letër e dërguar nga sekretari i atëhershëm i Jashtëm i Britanisë, Arthur James Balfour, për Lord Walter Rothschild, një udhëheqës i shquar Sionist.
Në letër, Balfour deklaron mbështetjen e qeverisë së tij për një “shtëpi për popullin hebre” në Palestinë.
Deklarata famëkeqe ishte rezultat i tre viteve bisedime midis qeverisë britanike, komunitetit hebre të Britanisë dhe Organizatës Ndërkombëtare Sioniste.
Dy vjet më parë,100-vjetori i Balfour u shënua nga Kryeministrja e atëhershme i Britanisë, Theresa May, duke e ftuar homologun e saj izraelit Benjamin Netanyahu, për të përkujtuar përvjetorin “me krenari”. Kjo ishte përkundër faktit se mbi 13.500 njerëz kishin nënshkruar një peticion parlamentar të nisur nga Qendra Palestineze e Kthimit, duke kërkuar që qeveria të kërkojë falje nga palestinezët.
Britania nuk ka pranuar ende përgjegjësinë e saj historike për situatën e mjerueshme me të cilën përballen palestinezët. Qeveritë e njëpasnjëshme kanë shmangur padrejtësinë duke bërë thjesht deklarata të vullnetit të mirë, në vend të veprimeve progresive për t’i dhënë fund okupimit izraelit dhe mbështesin të drejtën palestineze për vetëvendosje.
Muajin e kaluar, Husam Zomlot, ambasadori palestinez në Mbretërinë e Bashkuar i quajti si “të paligjshme” vonesat e njohjes së Palestinës si shtet, por vetëm si “autoriteti palestinez”. /tesheshi.com/
