Tashmë, Prokuroria kosovare duhet të hetojë mbi abuzimet hamendësuara në listat e veteranëve të UÇK-së. Kjo pas faktit se numri i tyre, pas një procesi regjistrimi, doli të ishte më i madh se sa mendohej.
Është kryesia e Organizatës së Veteranëve të Luftës së Ushtrisë Çlirimtare të Kosovës, që në mbledhjen e saj të fundit ka marrë në shqyrtik pikërisht çështjen e procesit të verifikimit të veteranëve të luftës së UÇK-së, që ngjan të jetë shoqëruar me fallsifikime të shumta.
“Kryesia dyshon se ka numër të fryrë të veteranëve, ose që ka nga ata të cilëve iu është dhënë statusi i veteranit në kundërshtim me ligjin në fuqi, të miratuar nga Kuvendi i Republikës së Kosovës”, thuhet në një komunikatë për media të shpërndarë nga kjo organizatë.
OVL ka rënë dakort që Prokuroria e Shtetit duhet të angazhohet në hetime për të vërtetuar dyshimet mbi abuzimet në lista.
I pari që e evidentoi këtë fakt, ishte kryeministri Isa Mustafa, i cili në një mbledhje qeverie tha se numri i veteranëve ka dalë më shumë se sa mendohej. /tesheshi.com/
