Organizata për Bashkëpunim Islamik (OIC) ka shprehur shqetësimin e saj për përkeqësimin e mëtejshëm të situatës pas operacioneve policore në Shtetin Rakhine në Mianmar.
Sipas OIC, ka raportime për shkelje seriozë të të drejtave themelore të njeriu kundër civilëve rohinga, përfshirë torturat, përdhunimet dhe ekzekutimet në masë të muslimanëve.
Organizata ka shprehur më tej shqetësimin e saj edhe në lidhje me shkatërrimin e shtëpive dhe xhamive, çka i ka detyruar me dhjetëra e mijëra muslimanë roninga që të braktisin fshatrat e tyre.
Nërkohë, shumë prej tyre janë të bllokuar në zonë dhe u mungojnë elemntët bazë jetësorë si ushqim, ujë dhe gjëra të tjera thelbësore.
Sekretari i Përgjithshëm i OIC-së, Dr. Yousef A. Al-Othaimeen, me anë të një deklarate në faqen zyrtare të organizatës, bëri thirje për ndalim të menjëhershëm të dhunës duke u kërkuar autoriteteve të Mianmarit të sigurohen që forcat e sigurisë të veprojnë në përputhje me ligjin dhe t’i lejojnë organizatat humanitare të hyjnë në zonat e prekura, pasi kjo është një obligim i shtetit sipas ligjeve ndërkombëtare dhe konventave për të drejtata e njeriut.
Në fund Al-Othaimeen u ka kërkuar autoriteteve qeveritare që të ndërmarrin hapa konkretë për të parandaluar përkeqësimin e mëtejshëm të krizës në shtetin Rakhine. /tesheshi.com/
