E mbledhur në Tashkent të Uzbekistanit për një takim dyditor, Organizata e Bashkëpunimit Islam e ka deklaruar FETÖ-n një grup terrorist.
Ky organizëm bëhet i dyti në pak ditë që e përcakton FETÖ-n si një grup terrorist. Të njëjtin cilësim ka përcaktuar zyrtarisht dhe Këshilli i Bashkëpunimit të Gjirit në një vendim të tijin ditë më parë.
FETÖ, apo Organizata Terroriste Gyleniste, është organizuesja e përpjekjes së dështuar për grusht shteti në Turqi më 15 korrik të këtij viti. Një përpjekje e përgjakshme, gjatë së cilës humbën jetën 241 persona dhe u plagosën mijëra të tjerë.
Pjesëmarrës në Sesionin e 43-të të Këshillit të Ministrave të Jashtëm të Organizatës së Bashkëpunimit Islam, kryediplomati turk, Mevlyt Çavushogllu, shkruajti kështu mbi vendimin në llogarinë e tij në Twitter, “I shprehim falënderimet tona Organizatës së Bashkëpunimit Islam që tregoi solidaritet dhe e deklaroi FETÖ-n një organizatë terroriste.”
Organizata e Bashkëpunimit Islam është krijuar në vitin 1969, me 57 shtete aktualisht si anëtare të saj. Ndryshe ajo e njeh veten dhe si “zërin e përbashkët të botës islame”. /tesheshi.com/
