“Ngjarje e jashtëzakonshme”, që meriton të deklarohet emergjencë ndërkombëtare, e ka quajtur Organizata Botërore e Shëndetësisë përhapjen shpërthyese të virusit Zika në Amerikë.
Margaret Chan, drejtoresha e përgjithshme e OBSH-së, ka vënë në pah nevojën e ngutshme për t’i bashkërenduar përpjekjet ndërkombëtare për të kuptuar nëse virusi Zika po shkakton defekte në lindje.
Pas një reagimi të ngadaltë ndaj shpërthimit të Ebolës, Organizata Botërore e Shëndetësisë kërkon të veprojë më shpejt për të shmangur të njëjtat pasoja.
Sipas saj, ka një lidhje kauzale mes virusit Zika dhe shpërthimit të rasteve të mikrocefalisë. OBSH-ja çmon se në vitin tjetër mund të ketë gjer në katër milionë raste të shfaqjes së virusit Zika në Amerikë.
Infeksionet nga virusi Zika janë raportuar tanimë në 13 vende në Amerikë, e po ashtu në Azi e Afrikë. 50 raste të tilla janë ndeshur në Panama, ndërsa numri i të prekurve nga virusi Zika në Kolumbi ka shkuar në 20.000, përfshirë 2.100 gra shtatzëna. /tesheshi.com/
