Reforma në Drejtësi në Shqipëri është akoma në fazën e ngritjes së organeve të reja të drejtësisë dhe mungesa e interesit për të aplikuar ka nxitur ambasadën amerikane që të bëjë thirrje për ekspertë.
Ambasada e Shteteve të Bashkuara në Tiranë në një postim publik në anglisht u bën thirrje të interesuarve që të aplikojnë për të qenë pjesë e institucioneve të drejtësisë.
“Shumë shqiptarë patriotë kanë aplikuar tashmë për të shërbyer në Këshillin e Lartë Gjyqësor dhe në Këshillin e Lartë të Prokurorisë, por nevojiten edhe më shumë ekspertë. Ne nxisim profesorë të kualifikuar që të aplikojnë për të qenë pjesë e këtyre institucioneve të rëndësishme”, – shkruan kjo ambasadë.
Njoftimit i bashkëngjitet linku zyrtar i Kuvendit të Shqipërisë, ku aplikuesit duhet të dorëzojnë Cv-ë e tyre.
Këto aplikime u hapën që në muajin janar të këtij viti, por për shkak se aplikantët e mëparshëm nuk plotësuan kriteret, Kuvendi rihapi dhe një herë aplikimet duket u dërguar një kërkesë të veçantë universiteteve shqiptare që të përfshihen në proces./tesheshi.com/
