31 gushti është dita e fundit kur klubet mund të transferojnë futbollistë. Në orët e fundit klubet europiane po bëjnë përpjekjet maksimale për të forcuar organikën e tyre me lojtarë cilësorë. “Tesheshi.com” ju informon për lëvizjet e fundit në merkaton e kësaj vere.
Njëri ndër transferimet më me bujë në ditën D të merkatos pa dyshim është kalimi i mesfushorit gjerman Julian Draxler nga Schalke tek Ëolfsburg, ndërkohë pritej kalimi i tij tek Juventusi. Mesfushori sulmues është parë në qendrën stërvitore tek “ujqit” deri sa shumë shpejt pritet prezantimi i tij.
Por, Schalke nuk ka humbur shumë kohë pasi ka gjetur menjëherë zëvendësuesin e Draxlerit. Bëhet fjalë për danezin Pierre-Emile Hojbjerg, i cili vjen nga Bayern Munich i huazuar për një sezon.
Klubet gjermane nuk kanë të ndalur. Është skuadra e Bayer Leverkusen që godet me transferimin e sulmuesit meksikan Javier Hernandez Chicharito. Sulmuesi ka mbërritur në Gjermani deri sa pritet t’i nënshtrohet testeve mjekësore, më pas për të kryer edhe prezantimin.
Kalimi i Raul Garcias nga Atletico Madrid te Atletico Bilbao gjithashtu është një lëvizje mjaft interesante në këto orët e fundit të merkatos. Sulmuesi spanjoll ka ndryshuar mjedisin në ditën e fundit të mundësisë së tij për të rigjetur veten pas merkatos së mbipopulluar tek “colchonerët”.
Ndërkohë, Real Madrid është në pritje të zyrtarizimit të portierit të Manchester United, David de Gea. Në pozitë të njëjtë ndodhet edhe Juventus që pas dështimit të transferimit të Draxlerit, kërkon nga Inter ta transferojë Hernanes.
Inter po kërkon nga Galatasaray transferimin e Felipe Melos, por ende nuk kanë gjetur akordin për transferimin e brazilianit. Gjithashtu edhe Martial është afër t’i bashkohet Manchester United, atë e ndan vetëm firma nga “djajtë e kuq”.
/tesheshi.com/
