Presidenti Thaçi u takua në Uashington me Sekretarin amerikan të Shtetit, Mike Pompeo, me të cilin ka diskutuar çështjet bilaterale dhe rajonale, dhe pas takimit ka thënë se ky është momenti i duhur për një marrëveshje me Serbinë.
“Ne kemi mbështetjen e unifikuar e Shteteve të Bashkuara dhe kjo është koha për të arritur një marrëveshje”, tha ai, raporton RTK2.
Sipas Thaçit, arritja e një marrëveshjeje do të jetë e mirë për të gjithë.
“Roli i Shteteve të Bashkuara është i domosdoshëm për një konsensus politik. Ne duhet të arrijnë një marrëveshje”, tha ai, siç citohet nga Tanjug.
“Ne të gjithë duhet të punojmë”, shtoi Thaçi.
Thaçi u takua me Këshilltarin për Sigurinë Kombëtare John Bolton, prej së cilit tha se gjithashtu morri mbështetje për një marrëveshje drejt normalizimit të marrëdhënieve me Serbinë, siç njoftoi të martën nga zyra e tij.
“Në këtë takim u bisedua për marrëdhëniet mes dy vendeve, perspektivën euroatlantike dhe nevojën për të arritur një marrëveshje me Serbinë, si një parakusht për paqe dhe siguri afatgjatë në rajon”, u tha në deklaratë.
Thaçi falënderoi Bolton për mbështetjen që Presidenti i SHBA Donald Trump i dha Kosovës në të gjitha fushat.
Deklarata shton se Bolton i dha garanci Thaçit se Shtëpia e Bardhë dhe administrata Trump “mbështesin fuqishëm arritjen e një marrëveshjeje gjithëpërfshirëse mes Kosovës dhe Serbisë”.
Por i gjithë ky zhvillim tej Atlantikut, është shoqëruar paralel me shpërthimin e një krize të thellë në Kosovë, sa i përket raporteve me Serbinë.
Pas vendosjes së tarifave për produktet serbe në masën 100 përqind, e gjithashtu një unifikimi qeveritar mes Prishtinës dhe Tiranës me marrëveshje në disa fusha, përfshi dhe zerimin e çdo tarife në marrëdhëniet tregtare mes dy vendeve, Beogradi është trazuar keqazi.
Në Veri, krerët e katër komunave serbe dhanë dorëhqjen duke shkëputur çdo lidhje me Prishtinën.
Ndërsa kryeministrja Ana Brnabiç, paralajmëroi deri shkuarje në Arbitrazh për çështjen e tarifave. /tesheshi.com/
